Galdaragintzako teknikariak

Zein da erronka?

Industriaren munduak eta galdaragintza finak erakartzen bazaitu, zatoz ULMA Packagingera eta ezagut gaitzazu, galdaragintzako teknikarien bila baikabiltza. Packagingaren sektoreko espezialistak prestatzea dugu xede; zehazki, honako hauetarako: 

• Soldadura, xaflaren tolestaketa, puntzonaketa, eta pieza metalikoen leunketa eta ebaketa lanak egiteko, bai lote unitarioetan, bai fabrikazio berezikoetan.
• Galdaragintzaren arloan zein makinarekin lanean aritzeko, hainbat lerro edo fabrikatan.
• Galdaragintzaren faseetako hainbat lanetarako plangintza edo auto-antolamendua egiteko.
• Egindako lanaren auto-kontrola gauzatzeko, finkatutako kalitate jarraibideak egiaztatuz.

Zeren bila gabiltza?

Ekimen eta autonomia handiko pertsonak behar ditugu, profesionalki garatzeko eta ondo gaitutako lantaldeetan jarduteko ilusioa dutenak. Honako profil hau eduki beharko dute:

• Goi mailako heziketa zikloko prestakuntza, bereziki eraikuntza metalikoekin zerikusia duena.
• Gutxienez bi urteko eskarmentua, eta positiboki baloratuko da galdaragintza fineko eskarmentua.
• Praktikak ere eskaintzen ditugu, bertan jarraitzeko aukerarekin.

...trukean eskainiko dizuguna… 

Soluzio teknologiko berritzaileak eraikiz profesionalki garatzeko aukera; izan ere, soluzio bakoitza bakarra eta berezia da, eta proiektu bakoitza pertsonalizatua.  Lankidetza giroan lan egiten dugu, non pertsonak diren garrantzitsuenak, eta gure lantaldeen autonomiari eta erantzukizunari esker, emaitza bikainak lortzen ditugu produktu guztietan.